Luis Diaz kishte qenë protagonisti absolut i ndeshjes mes Paris Saint-Germain dhe Bayern Munich, e vlefshme për raundin e 4 të Champions League. Bavarezët, në “Parc des Princes”, ishin paraqitur me një ecuri të pastër: vetëm fitore këtë sezon. Kolumbiani shënoi menjëherë, më pas përfitoi nga një gabim i Marquinhos dhe dyfishoi rezultatin. Por në minutat shtesë të pjesës së parë, Luis Diaz bëri një ndërhyrje tepër të ashpër ndaj Hakimit, i cili pëson një dëmtim serioz në kyçin e këmbës. Lotët e marokenit tregojnë qartë përmasat e ndërhyrjes dhe problemit. Arbitri Mariani, që fillimisht nuk kishte vepruar, pas rishikimit të pamjeve në VAR nuk mundi të mos nxirrte kartonin e kuq.
Faulli i Luis Diaz ndaj Hakimi në PSG-Bayern
Hakimi kishte zbritur në fushë në PSG-Bayern në ditën e 27-vjetorit të tij, por në fundin e pjesës së parë pësoi një ndërhyrje shumë të keqe nga Luis Diaz. Një faull i tmerrshëm. Mjaftoi të shiheshin lotët e marokenit, ish-anësorit të Inter, për të kuptuar se problemi ishte tepër serioz.
Arbitri Mariani përjashton Luis Diaz
Ndërsa mjekët po e trajtonin, polemikat shpërthyen. Mariani shkon të shohë pamjet dhe vëren një ndërhyrje shumë të ashpër në rrëshqitje nga kolumbiani, që shkakton një lëvizje jo natyrale të kyçit të këmbës së Hakimit, i cili pas disa minutash, pa e vendosur asnjëherë këmbën në tokë dhe mes lotëve, u detyrua të linte fushën. Luis Diaz u përjashtua. Hakimi dridhet, sepse dëmtimi rrezikon të jetë shumë i rëndë, ndërkohë që e presin shumë sfida të rëndësishme: nga Kupa e Afrikës me Marokun, skuadra favorite, deri te Kupa Ndërkontinentale e FIFA-s që do të zhvillohet më 17 dhjetor.
Tu devrais avoir honte Luis Díaz pic.twitter.com/3HUz6VMdB1
— ParisSG INFOS (@Paris_sginfos) November 4, 2025
;
