Ilkay Gundogan është lojtari i ri i Barcelonës. Ose ndoshta jo. Gjermani, i cili mbërriti si parametër zero nga Manchester City pas fitores së tripletës, ka ende një të ardhme të veshur me mister. Ashtu si ndodhi në të kaluarën me Messi, katalanasit duhet të zgjidhin problemin e Fair Play Financiar. Blerja e ish-mesfushorit të Citizens, në fakt, i vendos blaugranat me shpatulla pas murit. Barca duhet të grumbullojë 50 milionë euro për të mundur të regjistrojë gjermanin. Gundogan, nga ana e tij, ka një kontratë që e mbron dhe që dëmton më tej spanjollët.
Siç raportojnë anglezët e The Atletic, në fakt, Gundogan ka nënshkruar një kontratë interesante me Barcelonën. Ajo i lejon atij të mund të lirohet me parametër zero dhe të marrë gjithësesi pagën e plotë të vitit të parë. Një situatë në të cilën Barça nuk dëshiron të arrijë. Por që, megjithatë, nëse transferimet nuk mbërrijnë, mund të paraqitet në mënyrë dramatike para syve të drejtuesve.
SHUMË REFUZIME PËR SHITJE
Një deja vu për katalanasit, të cilët për të njëjtat arsye nuk kishin mundur të regjistronin Lionel Messi. E tani Laporta dhe ekipi i tij duhet të vrapojnë shpejt për t’u mbuluar. Drejtuesit blaugrana duhet të kërkojnë në skuadër se kush duhet të përshëndesë klubin për të arkëtuar mjaftueshëm për regjistrimin e kontratës së Gundogan. Disa janë të menduarit për shitje, por edhe shumë refuzime për shoqërinë, që tani duhet të përballet me këtë situatë. Siç raporton AS, vetëm ish-milanisti Kessiè është gati të pranojë një transferim. Ndërsa dy “jo” të prera erdhën nga Ferran Torres dhe Ansu Fati. Të dy lojtarët refuzuan lamtumirën dhe çdo zgjidhje tjetër të propozuar nga klubi. Megjithatë, diskutime të ndryshme kanë të bëjnë me Lenglet, Eric Garcia dhe ish-mbrojtësin e Lecce Umtiti. Mbrojtësi francez është i gatshëm për një aventurë të re dhe ka zgjedhur zgjidhjen e kontratës me spanjollët.
