Trajneri i Manchester Cityt, Pep Guardiola, po përballet me mori kritikash në Britani, pasi deklaratat e tij për luftën në Gaza janë interpretuar nga përfaqësues të komunitetit hebraik si të rrezikshme dhe nxitëse në një klimë tashmë të tensionuar sigurie, transmeton Gazeta Metro.
Thank you for reading this post, don't forget to subscribe!Këshilli Përfaqësues Hebraik i Mançesterit të Madh dhe Rajonit, përmes një letre drejtuar klubit, e akuzon Guardiolën se me fjalët e tij ka “vënë në rrezik jetën e hebrenjve britanikë”, duke theksuar se trajneri spanjoll ka treguar mungesë ndjeshmërie pas sulmit terrorist në sinagogën hebraike në Heaton Park.
Në atë sulm, dy persona u vranë dhe tre të tjerë u plagosën rëndë pas një sulmi me makinë dhe thikë, ndërsa autori, Jihad Al-Shamie, u qëllua për vdekje nga policia në vendngjarje.
Sipas këshillit, Guardiola nuk e përkujtoi publikisht këtë tragjedi, ndryshe nga klube të tjera të mëdha, përfshirë rivalët e Manchester United.
Ndërkaq deklarata e trajnerit ishte pak javë pas sulmit ku Guardiola zgjodhi të flasë hapur për Gazën.
“Bota e ka lënë Palestinën të vetmuar dhe ne nuk kemi bërë absolutisht asgjë. Ata nuk janë fajtorë që kanë lindur atje. Të gjithë ne i kemi lejuar ata (Izraelin) ta shkatërrojnë një popull të tërë. Dëmi tashmë është bërë dhe është i pariparueshëm”, ishte shprehur trajneri.
Deklaratat u ashpërsuan edhe më tej kur Guardiola theksoi se “prej një kohe shumë të gjatë, ne kemi lejuar shkatërrimin e një populli të tërë sepse ata thonë ‘mos e përdorni fjalën gjenocid. Është jashtëzakonisht e dhimbshme ajo që shohim në Gaza, më dhemb i gjithë trupi” nga pamjet e luftës”, u shpreh trajneri ku për këtë deklaratë edhe u kryqëzua me një letër tërbuese.
Këto deklarata kanë hapur një debat të gjerë në Britani mbi rolin e figurave publike në konfliktet ndërkombëtare, me kritikët që argumentojnë se fjalët e Guardiolës, të thëna nga një figurë me ndikim global.
