Goditja me grusht në përfundim të ndeshjes Cesena-Olbia ndaj portierit Filippo Rinaldi nuk mund të kalonte lehtë. E në fakt për Limanin, babain e vëllezërve Shpendi, ka ardhur dënimi. Hetuesi i Forlì-Cesena, Claudio Mastromattei, ka urdhëruar përjashtimin për tre vjet për Liman “Alex” Shpendi.
Babai i lojtarit të Cesenës, Kristian Shpendi, është dënuar pas ngjarjeve në lidhje me ndeshjen e futbollit Cesena-Olbia, e luajtur të dielën në 7 janar në Stadium Manuzzi. Limani, babai i binjakëve Kristian (Cesena) dhe Stiven (Empoli), të dy lojtarë të kombëtares U 21 të Shqipërisë, do të mund t’i shohë vetëm në TV ndeshjet e fëmijëve të tij. Atij tashmë i ndalohet hyrja në vendet ku zhvillohen ngjarje sportive për tre vjet.
Liman “Alex” Shpendi të dielën në fund të ndeshjes u fut në fushë duke tentuar të godasë me grusht portierin e skuadrës sarde, Filippo Rinaldi, fajtor për një ndërhyrje të ashpër ndaj djalit të tij. Rinaldi ende nuk ka bërë një denoncim zyrtar.
