Gjykata Kushtetuese ka vendosur t’i ndërpresë mandatin gjyqtares Sonila Bejtja. Vendimi i Kushtetueses i hap rrugën Presidentit të Republikës për të shpallur vakancën në vendin e Bejtjas.
Pas gjykimit të kërkesës së Presidencës u vendos që për përcaktimin e mandateve të anëtarëve të Gjykatës Kushtetuese, gjatë periudhes tranzitore, prevalon parimi i përtëritjes se pjesshme te Gjykatës.
Në të ardhmen do të prevalojë parimi i paprekshmerisë së mandatit 9-vjeçar, siç parashikohet nga Kushtetuta, por për rastet aktuale të ndërthurura me fazën e rindërtimit institucional, prevalon nevoja për përputhje me kalendarin kushtetues të përteritjes së anëtarëve.
Në bazë të këtij parimi, Gjykata Kushtetuese ripërtërihet me 3 anëtarë të rinj në 2025.
