Gjykata e Posaçme do të shqytojë pas 2 ditësh kërkesën e Ilir Metës për ndryshim të masës së sigurisë. Mësohet se pas kërkesës që ky i fundit dorëzoi në GJKKO, gjyqtarja e çështjes Irena Gjoka ka caktuar datën 19 shtator për të shqyrtuar kërkesën e Metës.
Ilir Meta u arrestua më 21 tetor 2024. Ai dhe deputetja Kryemadhi dyshohen se, duke bashkëpunuar mes tyre dhe me funskionarë të tjerë shtetërorë, në disa episode duke nisur nga 15 vite më parë kanë shfrytëzuar postet e tyre shtetërore dhe politike për të favorizuar kompani private, si dhe në veprimtari të tjera me lobime në SHBA dhe shitblerje banesash në këmbim të përfitimit të shumave të konsiderueshme parash, të cilat janë përpjekur t’i fshehin, duke mos i deklaruar në ILDKPI dhe KQZ.
