Klubi i Liverpool-it ka dërguar një ofertë të majme rreth 120 milionë funta për shërbimet e yllit suedez Alexander Isak, ka njoftuar sot gazetari elitar i sportit në Angli, David Ornstein.
Ornstein njoftoi sot se Liverpool i kishte treguar rivalit të Premier League se është i gatshëm të bëjë një ofertë rreth 120 milionë funta për sulmuesin Isak, mirëpo Newcastle e ka refuzuar.
Sipas gazetarit anglez, Newcastle dëshiron që Isak të qëndrojë e madje i ka ofruar edhe kontratë të re, por suedezi e do kalimin te Liverpool.
Mendohet se një transfer i mundshëm i Alexander Isak këtë verë do të përbëjë transferin më të shtrenjtë në histori të Premier League, ndërsa Liverpool vazhdon të shpenzojë qindra miliona në këtë afat kalimtar.
EXCL: Newcastle reject official bid from Liverpool for Alexander Isak. Initial approach informal – now firm #LFC offer & turned down. #NUFC suggested new deal with 2026 release clause + senior team-mates pushed 25yo to stay but wants move @TheAthleticFC https://t.co/UGGBHUGMxm
— David Ornstein (@David_Ornstein) August 1, 2025
