Të paktën 20 persona u vranë dhe 55 u plagosën nga një sulm izraelit në Rafah, në pjesën jugore të Rripit të Gazës, njoftoi sot në mbrëmje përfaqësuesi i Ministrisë së Shëndetësisë të enklavës palestineze të kontrolluar nga Hamasi, Ashraf al-Kindra.
Në imazhet e transmetuara nga rrjeti televiziv Al Jazeera, një turmë mund të shihet duke kërkuar dëshpërimisht për të mbijetuar në rrënojat e një ndërtese të rrafshuar.
Një palestinez, shtëpia e të cilit është pak larg nga vendi i bombardimit, i tha një gazetari të Al Jazeera jashtë spitalit të Kuvajtit se zona ka qenë vazhdimisht në shënjestër nga forcat e armatosura izraelite që nga fillimi i luftës më 7 tetor.
“Dua të mbroj veten, por askush nga ne nuk mund të gjejë një strehë të sigurt,” theksoi Dia Ostaz.
