Raportohet se Gaza është në errësirë totale mbrëmjen e sotme. Gjithashtu bëhet me dije se vetëm orët e fundit janë lëshuar në qëndër të Gazës rreth 100 goditje me raketa nga ushtria izraelite.
Më herët IDF deklaroi përparimin drejt Gazës, duke thënë se është vendosur rrethimi i plotë. Nga ana tjetër ditën e sotme, kryeministri izraelit Netanyahu mohoi çdo mundësi për armëpushim me Palestinën, duke thënë se më parë Hamas duhet të lirojë pengjet.
Tashmë në Gazë mbizotëron një “black-out” total, teksa nga ana tjetër goditet me raketa. Disa prej bombardimeve ndodhën në zonën rreth spitalit Al Shifa.
