Tashmë reality shoë “Big Brother VIP Albania” ka përfshirë edhe futbollistët që nuk mungojnë herë pas here në rrjetet sociale duke treguar banorin e preferuar. Luiz Ejlli është një nga ata që ka fansat më të shumtë dhe kjo shihet edhe nga mesazhet që herë pas herë i dërgojnë në mënyra të ndryshme.
Së fundmi, është edhe Armando Broja ai që ka surprizuar shkodranin. Te rubrika “Big Love”, aty ku banorët lexojnë mesazhet që i vijnë nga fansat e tyre, është sulmuesi i Chelsea-it dhe njëkohësisht i kombëtares shqiptare që shkruan.
Ai mbështet publikisht Luizin bashkë me familjen e tij. “Luiz të përshëndesim. Je më i miri. Të ndjekim çdo ditë. Familja Armando Broja Londër”, shkruhej në mesazhin drejtuar këngëtarit të njohur duke nxitur dhe reagimin pozitiv të këtij të fundit.Teksa ndodhej në suitën e fituar nga Kiara, Luizi është shprehur falenderues ndaj ndjekësve të tij pasi ia kanë bërë jetën më të bukur me mesazhet qe po i dergojne gjithmone.
“O jeni të mirë o zot ma keni zbukuru ditën, jetën, realisht. Ishalla o zot ju kena dhuru veç kënaqësi, veç gëzim, veç buzëqeshje dhe lojë të fortë dhe ishalla po gëzojmë të gjithë bashkë në fund. Uroj mos t’iu zhgënjej kurrë”, shprehet Luizi.
