Fluks dhe radhë në pikën e kalimit kufitar të Kapshticës nga ana greke.
Mesa duket interesi i lartë i shqiptarëve për të kaluar fundjavën në shtetin helen por edhe zgjedhjet parlamentare të së dielës kanë rritur ndjeshëm numrin e shqiptarëve që dalin nga toka shqiptare drejt asaj greke, ndërkohë që mbi 50 automjete momentalisht po presin në radhë, për shkak të sporteleve të pakta nga ana e doganës greke.
Fluks paraqitet edhe në doganën shqiptare, edhe pse aty po punohet me kapacitet maksimal dhe nuk paraqiten radhë të gjata.
Në zgjedhjet e së dielës që do të mbahen në Greqi, llogaritet që të kenë të drejtë vote më shumë se 120 mijë shqiptarë, edhe pse për këtë nuk ka një shifër zyrtare.
