Fermerët e fushës së Korçës ditën e sotme kanë nisur protestat e tyre. Protesta e tyre vjen pasi fermerët ankohen për prodhimet e pashitura dhe mungesën e tregut për shkak të konkurrencës nga prodhimet e importit.
Gjatë fjalës së tyre ata shprehen se çmimet me të cilat duhet të shesin prodhimet janë tepër të ulëta. Sipas tyre me këto fitime nga shitja nuk nxjerrin as shpenzimet e tyre. Kjo nuk është hera e parë që kanë dalë protestë pasi ata kanë dalë edhe më parë në protestë ndërsa pati edhe gjoba ndaj tyre. Gjobat e vendosura ndaj tyre herën e kaluar nuk janë anuluar sikundër u deklarua dhe ata janë detyruar t’i paguajnë.
