Euro 2024 “it’s coming home”: superkompjuteri Opta simulon turneun, fiton Anglia në finale me Spanjën

Që prej përfundimit të fazës së grupeve të Euro 2024, nuk është folur gjë tjetër veçse për një çekuilibër në tabelën e rrugëtimit drejt finales së Berlinit. Në pjesën e sipërme, Spanja, Gjermania, Franca dhe Portugalia tashmë mund të përballen me njëra-tjetrën në çerekfinale, ndërsa – më shumë sipas stemës së tyre sesa asaj që u pa në fushë – në pjesën e poshtme ka më pak ekipe të akredituara. Në këtë anë të tabelës është Italia, por jo vetëm ajo, sepse aty bën pjesë edhe Anglia e Southgate, e cila sipas Opta Predictor mbetet kombëtarja favorite për triumfin final.

Algoritmi Opta është një model parashikimi për vlerësimin e mundësive të zhvillimit të një kompeticioni, bazuar në llogaritjet statistikore dhe matematikore. Ato marrin parasysh shumë faktorë, duke përfshirë dobësitë dhe pikat e forta të kundërshtarëve, seritë historike, precedentët dhe indekset e performancës. Zhvillimi i kompeticionit është simuluar afërsisht 40 mijë herë duke përcaktuar probabilitetet në përqindje të një rezultati ndeshje për ndeshje. Pavarësisht një faze në grupe nën ton, por sidoqoftë e përfunduar me vendin e parë e pamposhtur (1 fitore, 2 barazime), Anglia është kombëtarja favorite, e dhënë si fituese në finalen kundër Spanjës.

Lexo më tej:Algoritmi Opta luan Europianin: Anglia favorite, Shqipëria nuk kalon grupin

Rendimenti i Italisë, ndërkohë, uli shanset e saj për një kampionat të dytë evropian me 0.1%, duke shkuar nga 5% në prag të kompeticionit në 4.9% pas kualifikimit në Grupin B vetëm në minutën e 98′. Kështu, sërish sipas modelit matematik Opta, pengesa Zvicër në fazën e 16 më të mirave do të kalohet (53% kundrejt 47%), por rruga do të ishte e destinuar të ndërpritet në çerekfinale ndaj anglezëve. Për kompletim, arritja në gjysmëfinale vlerësohet në 23%, finalja 12.8%.

Sipas Opta Predictor këto janë përqindjet e raundit të 1/8 dhe zhvillimi i kompeticionit:

Play Video
Romani “Doktoresha” për nga përshkrimi i Shqipërisë në diktaturë përngjan shumë me Afganistanin e Khaled Hosseinin, përmes veprës “Gjuetari i balonave”: Si Afganistani nën sundimin e talebanëve … Mund ta gjeni në te gjitha libraritë Për porosi kontaktoni në numrin: 067 53 32 700
Scroll to Top