Ka nisur edhe këtë të martë Protesta e thirrur nga Aleanca për Mbrojtjen e Teatrit, të Bashkia e Tiranës, ku kërkohet dorëheqja e kryebashkiakut Erion Veliaj, pas aferës “5D” që përfshiu bashkinë e drejtuar nga ky i fundit.
Me pankarta në duar dhe thirrje “Hajdut”, “Erion Veliaj, në burg”, “Erion shko te shokët”, qytetarët kanë rrethuar godinën e Bashkisë.
Kjo është protesta e nëntë që mbahet para godinës së Bashkisë, ndërsa tubimet e mbajtura më herët janë shoqëruar me incidente dhe përplasje mes protestuesve dhe policisë, ku nuk kanë munguar edhe lëndët plasëse molotov të hedhura drejt godinës.