Përveçse nga drejtimi i Partisë Demokratike të vulës, Enkelejd Alibeaj ka dhënë dorëheqjen edhe si kryetar i grupit parlamentar të Partisë Demokratike në parlament. Vendimi vjen pasi një pjesë e mirë e deputetëve që e mbështesnin gjatë fushatës së 14 Majit punuan për kandidatët e koalicionit “Bashkë fitojmë”, ndërsa pjesa tjetër nuk u angazhua për të mbështetur kandidatët e PD së Alibeajt.
Me largimin e Alibeajt nga grupi parlamentar, pritet që të zhbllokohet edhe ngërçi i deputetëve të opozitës në kuvend, të cilët nuk arrijnë të flasin apo të vënë në zbatim nisma ligjore për shkak se mazhoranca ka shfrytëzuar deri tani ndarjen e PD-së.
