Në Iran, një studente e Universitetit Islamik Azad të Teheranit u ndëshkua për veshjen e saj nga njerëzit e sigurimit të universitetit sepse ajo mbante shaminë e saj në një mënyrë “të papërshtatshme”. Por vajza ka vendosur të mos e lërë me kaq ndaj në shenjë proteste, u zhvesh dhe qëndroi në oborrin e universitet pa rroba.
Skena u përjetësua në një video që u bë virale në rrjetet sociale iraniane, ku vajza shihet e ulur, me të brendshme dhe sytjena, në oborrin e departamentit të Shkencës dhe Kërkimit të universitetit. Më pas studentja u arrestua.
“Pas një akti të pahijshëm nga një studente në universitet, sigurimi i kampusit ndërhyri dhe ua dorëzoi atë autoriteteve të policisë” – shkroi në X, Amir Mahjoub, drejtor i përgjithshëm i marrëdhënieve me publikun në universitet. “Motivet dhe arsyet e veprimeve të studentes janë aktualisht nën hetim” – shtoi ai.
Amir Kabir Newsletter, një grup studentor në Telegram, raportoi detaje të incidentit, duke shkruar se studentja mbeti vetëm me të brendshme pasi ajo ishte dhunuar nga forcat e sigurisë për çështjen e shamisë ndërsa rrobat e saj ishin grisur nga forcat e sigurisë.
A female Iranian student removed her clothing, reportedly in protest after being assaulted by the security forces of Tehran's Islamic Azad University for not wearing a proper hijab, a viral video shows. An arrest order was swiftly issued for her, according to Iran International… pic.twitter.com/H3nLa98rew
— Iran International English (@IranIntl_En) November 2, 2024
Gjatë arrestimit studentja ka pësuar një sulm të rëndë fizik, pasi koka iu godit ose në derën e makinës ose në një shtyllë, duke i shkaktuar gjakderdhje të madhe. “Në gomat e makinës janë gjetur njolla gjaku”, thuhet në raport.
In Iran, a student harassed by her university’s morality police over her “improper” hijab didn’t back down. She turned her body into a protest, stripping to her underwear and marching through campus—defying a regime that constantly controls women’s bodies. Her act is a powerful… pic.twitter.com/76ekxSK7bI
— Masih Alinejad ️ (@AlinejadMasih) November 2, 2024
