Në javën e 20-të të Serie A vjen barazimi i parë për Inter, që kapet dy herë nga Scott McTominay dhe Napoli në përballjen për titull. Raundi që mund të kishte vulosur shkëputjen e zikaltërve, duke parë duelin me njerëzit e teknikut Conte dhe ndalesën e Milanit, shndërrohet kështu në një hiç. Inter nisi shumë më mirë dhe e zhbllokoi ndeshjen në minutën e 9’ me Dimarcon, i shërbyer nga Thuram dhe autor i një diagonaleje të pakapshme, por nuk e mbylli takimin dhe lejoi barazimin. McTominay rivendosi baraspeshën në minutën e 26’ dhe Napoli shkoi pranë avantazhit, me të papërmbajtshmin Hojlund, që vuri në vështirësi Akanji.
Pjesa e dytë dhuroi golin e dytë zikaltër, me penalltinë e Calhanoglu (73’), dhe 2-2 përfundimtar të skocezit. Një pikë për secilën në San Siro, Inter humbet një rast dhe ruan +3 ndaj Milan dhe +4 ndaj Napolit. Conte përjashtohet për protesta.
Tension i madh në minutën e 70’ të Inter-Napoli. Arbitri Doveri thirret nga VAR dhe i jep një penallti zikaltërve për faullin e Rrahmanit ndaj Mkhitaryan dhe pak më pas Antonio Conte humbet fjalë për fjalë toruan dhe, duke protestuar, godet një top shumë larg. Drejtuesi i takimit i tregon kartonin e kuq, por trajneri nuk pranon, shkon ballë për ballë me arbitrin e katërt dhe, duke lënë fushën, bërtet disa herë “turp, turp për të gjithë” në drejtim të trupës arbitrale.
