Në Uashington DC, shumë biznese po marrin masa për t’u përgatitur në rast trazirash të mundshme gjatë ditës së sotme, ose nesër pas publikimit të rezultateve.
Ndërkohë masa janë marrë edhe përreth institucioneve, ku gardhet e para metalike filluan të ngriheshin jashtë Shtëpisë së Bardhë që në fillim të tetorit, e njëjta gjë që ka ndodhur edhe pranë ndërtesave të tjera në Uashington, përfshirë Kapitolin.
Disa prej bizneseve kanë veshur me mbrojtëse druri dritaret duke pasur frikë për situata të dhunshme që mund t’u shkaktojnë dëme materiale.
Qindra roje kombëtare janë gjithashtu në gatishmëri në kryeqytetin amerikan, si dhe në shtete të tjera – duke përfshirë Alabamën, Arizonën, Delawar, Illinois, Karolinën e Veriut dhe New Mexico.
