Kryeministri i vendit Edi Rama është pritur ditën e sotme në selinë e BE-së në Bruksel nga presidentja e Komisionit Europian Ursula Von der Leyen.
Von der Leyen shprehet se fokus i diskutimit ishte progresi në rrugën e anëtarësimit të Shqipërisë në BE.
Ajo u shpreh se gjatë takimit folën për planin e ri të rritjes për Ballkanin Perëndimor, gjë që sipas saj, do të afrojë rajonin dhe BE-në.
“Takimi shumë i mirë me Edi Ramën. Diskutuam progresin në rrugën e anëtarësimit të Shqipërisë në BE dhe planin tonë të ri të rritjes për Ballkanin Perëndimor.
Kjo do të afrojë rajonin dhe BE-në dhe do të nxisë prosperitetin e partnerëve tanë”, shkruan ajo në një postim në Twitter.
