Edukatorja Majlinda Dehima, e cila u arrestua një ditë më parë për dhunën e ushtruar ndaj vajzës 3- vjeçare në një kopsht në Tiranë, ka mbajtur të njëjtin deklarim në polici, duke thënë se fëmija e ka thyer këmbën te krevati dhe se kjo nuk ka ardhur për shkak të dhunës së saj. Burime bëjnë me dije se prokuroria e Tiranës pritet të bëj një tjetër ekspertim të pamjeve filmike e në vijim edhe ballafaqim të Dehimës me provat që do të dalin gjatë hetimeve.
Mësohet se policia ka nisur një hetim e krimit ekonomik për çiftin e pronarëve Dritan e Entela Danushi. Policia e Tiranës tashmë ka përpiluar një plan masash për kontroll të detajuar të të gjithë territorit për të konstatuar raste të tjera flagrante të kopshteve pa licensë.