Hekuran Murati dhe Arbëria Nagavci, nga Lëvizja Vetëvendosje, nuk arritën të siguronin 61 votat e nevojshme për t’u zgjedhur në krye të Kuvendit të Kosovës.
Kjo ishte hera e dytë që Murati u propozua për këtë post, ndërsa Nagavci ishte e para herë që kandidonte. Pas dështimit të tyre, partia fituese e zgjedhjeve të shkurtit propozoi Dimal Bashën për postin e kryeparlamentarit.
Para seancës, partitë opozitare përsëritën qëndrimet e tyre ndaj zgjedhjes së kryetarit të Kuvendit. Deputetja e Partisë Demokratike të Kosovës, Ganimeve Musliu, deklaroi se nuk do të votojë asnjë kandidat të LVV-së, duke argumentuar se partia “po mban peng shtetin” që nga 9 shkurti, data e zgjedhjeve parlamentare.
Ky ishte vazhdimi i tretë i seancës konstituive që nga publikimi i aktgjykimit të plotë të Gjykatës Kushtetuese më 18 gusht.
