Në Brazil u zhvillua akti i fundit i kampionatit shtetëror Paulista, me ndeshjen e kthimit mes Corinthians dhe Palmeiras. Titulli përfundoi në duart e Timao-s, ku u dallua figura e Memphis Depay, i cili fitoi trofeun e tij të parë në Amerikën e Jugut. Holandezi ishte protagonist që në ndeshjen e parë, ku asistoi në golin e fitores, ndërsa në kthim bëri bujë me sjelljen e tij. Me ndeshjen në barazim 0-0 në minutën e 90’, që nënkuptonte triumfin e Corinthians pas fitores në sfidën e parë, Depay vendosi të mbante topin për të humbur kohë në mënyrën më poshtëruese për kundërshtarët: ai hipi mbi të me të dyja këmbët. Kjo ndezi gjakrat, duke shkaktuar një sherr masiv mes 22 titullarëve dhe lojtarëve nga stoli.
Depay al 90’ en la final del paulista. No fue amonestado
Juegueee que aquí lloramos por todo (menos por las cosas realmente graves).
— Julián Capera (@JulianCaperaB) March 28, 2025
Gjesti provokues i Depay dhe sherr i çmendur në fushë
Gjithçka ndodhi pikërisht në minutën e 90’, pas një loje tepër të ekuilibruar, ku rezultati 0-0 i favorizonte vendasit falë fitores në ndeshjen e parë. Depay, i cili që prej mbërritjes në Brazil është kthyer në një yll të padiskutueshëm për tifozët e Corinthians, provokoi kundërshtarët me një lëvizje të pazakontë: ai mori topin afër flamurit të këndit dhe, në vend që të krosonte, bëri një lëvizje finte dhe më pas hipi mbi sferën me të dyja këmbët. Një veprim antisportiv, i cili mund të ndëshkohej ashtu siç ka ndodhur kohët e fundit në Kolumbi me një rast të ngjashëm, dhe që shkaktoi një reagim të ashpër nga lojtarët e Palmeiras.
No puede ser lo que hizo Depay en uno de los clásicos más calientes del mundo.
Los futbolistas se revelan pic.twitter.com/7hhdavgsJh
— Ømar (@SirRojas28) March 28, 2025
Për disa çaste, fusha u shndërrua në një ‘gjueti’ ndaj Depay, me lojtarët e Palmeiras që u përpoqën ta kapnin, ndërsa shokët e tij të skuadrës e mbronin. Situata degradoi shpejt në një sherr masiv, ku u përfshinë të gjithë lojtarët dhe pjesëtarët e stolit, duke bërë të pamundur qetësimin e situatës. Për të rivendosur rendin, u desh ndërhyrja e VAR-it.
— News Videos (@newsvideos50) March 28, 2025
Ndërhyrja e VAR-it dhe festa e Depay: trofeu i parë në Brazil
Në minutën e 90’, gjyqtari dhe asistentët e tij nuk arritën të qetësonin situatën, ndaj u detyruan të konsultonin teknologjinë. Pas rishikimit të pamjeve, u ndëshkuan me karton të kuq José Martínez nga Corinthians dhe Marcelo Lomba nga Palmeiras. Megjithatë, kjo nuk e ndali Timao-n të festonte triumfin pas një kohe shtesë të pafundme prej 18 minutash. Depay, pas dy vitesh pa trofe, më në fund ngriti një kupë në qiell – të fundit e kishte fituar me Barcelonën, Superkupën e Spanjës në fillim të vitit 2023.
