Raporti i DASH është kthyer në një temë të “nxehtë” debati në Kuvend. Deputeti i PD Oerd Bylykbashi tha se çështjet që ngre ky raport ulin në gjunjë çdo qeveri.

Sakaq kërkoi ndryshimin e rendit të ditës pasi më herët disa deputetë kërkuan një mocion me debat sa i takon këtij raporti.

Bylykbashi:
Çështjet që ngre raporti i DASH janë çështje që ulin në gjunjë çdo qeveri. Korrupsioni, dhunimi i zgjedhjeve, mungesa e lirisë së mediave, etj, i keni aty. Çfarë duhet të sqarojmë më tepër ne. Sot nuk ka asgjë tjetër veçse asaj që kemi thënë një vit rresht, opozitës po i ngushtoni çdo mundësi për të kontrolluar maxhorancën. Parlamenti është vetëm një vulosës.

Folët për një rend dite të zakonshëm. Për çfarë, për atë vulosjen te Porti i Durrësit. I hiqni mundësitë qytetarëve të Durrësit vetëm e vetëm që të pasurohen ata që ndërtojnë atje. Në kërkojmë ndryshimin e rendit të ditës dhe futjen në rendin e ditës të raportit të DASH.