Mbrojtësi i Juventus, Danilo ka treguar se kishte menduar të tërhiqej nga futbolli kur ishte vetëm 24 vjeç. Madje në atë periudhë ai luante për Real Madrid. Duket sikur nuk ka asnjë arsye për të marrë një vendim të tillë, por ja që jeta ndonjëherë komplikohet.
MAKTHI I DEPRESIONIT TE REAL MADRID
Danilo është kapiteni aktual i Juventus dhe një nga senatorët e kombëtares braziliane. Mbrojtësi, megjithatë, ka dashur t’i tregojë botës periudhën e tij të errët kur ishte vetëm 24 vjeç. Lojtari i Juventus foli për The Players Tribune pa u fshehur: “Unë jam njeri, nuk kam qenë gjithmonë në maksimumin tim. Në vitin tim të parë te Real Madrid u ndjeva i humbur, i dëshpëruar dhe nuk mund të bëja një pasim 5 metrash në fushë. Jashtë më dukej sikur nuk mund të lëvizja më. Nuk kisha më pasion për futbollin”.
IDEA E TËRHEQJES DHE RILINDJA
Pas një gabimi në një ndeshje kundër Alaves erdhi edhe projeksioni i tërheqjes nga sporti: “Bëra një gabim që nuk mund ta bësh me Real Madrid në një ndeshje. Shkova në shtëpi dhe shkrova në ditarin tim se kishte ardhur koha të tërhiqesha nga futbolli në moshën 24 vjeç”. Pastaj e vërteta e hidhur: “Nuk i thashë askujt se çfarë kisha, më pas shkova te një specialist. Falë mjekëve dhe fëmijëve të mi dola nga ai makth”. Më pas rilindja, edhe falë kalimit te Juventus.
