Chris Evans konfirmoi publikisht për herë të parë se ai u martua me aktoren, Alba Baptista.
“Unë u martova,” i tha Evans turmës në Qendrën Javits. “Ishte me të vërtetë e mrekullueshme.” Page Six ishte i pari që raportoi se aktorët zhvilluan ceremonin në Cape Cod, Massachusetts dhe të ftuave iu kërkua të nënshkruanin NDA.
Por ndërsa ishte në skenë në New York ComiCon, Evans ndau pak më shumë detaje. “Ne patëm dy ceremoni,” tha ai. “Ne kishim një në Bregun Lindor dhe një tjetër në Portugali. Gruaja ime është portugeze. Gjithçka doli shumë bukur, por është shumë e vështirë të planifikosh një dasmë – ju që jeni të martuar, e dini, ju merr shumë kohë”,
Evans vazhdoi, “Por tani që e kemi kaluar këtë, ne thjesht po shijojmë jetën, duke u përgatitur për vjeshtën – stina ime e preferuar. Është koha më e mirë e vitit për momentin.
Alba dhe Chris ndezën për herë të parë thashethemet për romancë në nëntor 2022, kur People raportoi se ata ishin takuar për “mbi një vit”. Disa orë pasi lajmi u shfaq, dyshja u fotografuan të kapur për dore teksa ishin në Central Park në New York City. Në shkurt, aktori zyrtarizoi romancën e tyre në Instagram.
