Maurizio Pochettino është trajneri i ri i Chelsea. Klubi e ka zyrtarizuar zgjedhjen e tij në orën 14:00 (13:00 në Angli). Blues do të mbështeten kështu te trajneri argjentinas, për të rifilluar pas një sezoni të dështuar. Ish-tekniku i Tottenham dhe PSG, i cili merr detyrën më 1 korrik, ka nënshkruar një marrëveshje dyvjeçare. Pochettino ka gjithashtu opsionin për një sezon të tretë në pankinën e londinezëve. Stafi i tij te Blues do të përbëhet nga Jesus Perez, Miguel d’Agostino, Toni Jimenez dhe djali i tij Sebastiano.
Pochettino, 51 vjeçar, kthehet në Londër pas një eksperience të lumtur si trajner i Tottenham e pas një viti pushimi, pas shkarkimit të tij nga PSG në verën e vitit 2022. Do të jetë në dorën e tij të ringjallë një klub që ka shpenzuar një mal me paund dhe ka përfunduar në vendin e 12 Premier League e sezonit të kaluar. Një detyrë ku Tuchel, Potter dhe Lampard dështuan krejtësisht.
Chelsea është tashmë një kantier ndërtimi: ka shumë lojtarë në skuadër dhe të tjerë do të kthehen nga huazimet. Mes tyre Romelu Lukaku, i cili tashmë ka shprehur dëshirën për të qëndruar te Inter. Ndoshta do të jetë gjëja e parë që belgu do t’i thotë trajnerit të tij të ri, por është Pochettino që ka fjalën e fundit.
Chelsea Football Club is pleased to announce Mauricio Pochettino as the club’s new head coach!
— Chelsea FC (@ChelseaFC) May 29, 2023
