Pas rezultateve befasuese në ditën e parë të League Phase të Champions League, ka ende ndeshje të mëdha për të shijuar. Në fushë Bayern Mynih ka një përballje epike me Chelsea, kampione bote, ndërsa Liverpool përplaset me Atletico Madrid. Ndërkohë, Johann Cruyff Arena pret Interin e Cristian Chivut, që sfidon të kaluarën e tij. Zikaltërit përballen pikërisht me Ajaxin, me dyshimin-Lautaro dhe me një dyfish humbjesh në kampionat për t’u shlyer. Takimi është në orën 21, në të njëjtën orë me ndeshjen tjetër italiane: Psg, kampion në fuqi, debuton kundër Atalantës.
AJAX-INTER
Një sfidë e mirëfilltë me të kaluarën, për të filluar të largojë erërat e krizës dhe kritikat për menaxhimin e tij. Cristian Chivu i kapet Champions League-s, pas dy humbjeve radhazi kundër Udineses dhe Juventusit, që e kanë lënë Interin e tij me vetëm tre pikë në tre ndeshje të Serie A. Trajneri ia ka borxh suksesin e tij pikërisht klubit holandez, që e nisi dhe e vlerësoi (si kapiten) para eksperiencave me Romën dhe Interin, dhe që e kishte dashur atë si trajner të së ardhmes. Plani ishte ta fuste në staf si zëvendës i Fariolit vitin e kaluar, për ta hedhur më pas në sezonet e ardhshme si trajner referues, por Chivu refuzoi dhe zgjodhi të niste nga Parma gjatë sezonit. Ajo rrugë e solli te Interi, ku deri tani nuk kanë ardhur rezultatet e pritshme.
Lexo më tej: Super Vlahovic, debuton Zhegrova: Juventus, 4-4 i çmendur me Dortmund në Champions
Champions League, që rinis pas atij 5-0 bujshëm në finale kundër Psg-së, është pra tashmë një provë e rëndësishme dhe ekziston rreziku i një mungese të madhe. Lautaro Martinez ka munguar në stërvitjen përfundimtare dhe rrezikon të nisë nga stoli për një problem shpine, që nuk duket të jetë zgjidhur këto orë. Gati Pio Esposito për të bërë dyshe me Thuram, në një Inter që do të bëjë rotacion: e mundshme pankina për Acerbin, Barellën dhe Mkhitaryan, me de Vrij që është gati bashkë me dyshen Sucic-Frattesi. Asgjë për të bërë ndërkaq për ndryshim në portë, pasi Chivu ka njoftuar titullar Sommerin.
Përballë, do të jetë një Ajax ndryshe, me ish-lojtarin Klaassen pas sulmuesit dhe Gloukh-Moro në krahët pas Weghorst-it. Ylli është Kenneth Taylor, mesfushor cilësor e luftarak, por kohët e arta dhe ajo gjysmëfinale europiane janë tashmë shumë larg. Interi ka, pra, një mundësi të madhe për të nisur me këmbë të mbarë.
PSG-ATALANTA
Nis edhe rruga e Atalantës së Ivan Juricit, që starton menjëherë me sfidën shumë të vështirë kundër kampionëve në fuqi. Psg është në emergjencë, me Doué dhe Dembelé jashtë (po ashtu edhe Beraldo), por duhet të ketë rikuperuar në minutat e fundit Khvicha Kvaratskhelia dhe mund të mbështetet te fantazia taktike e Luis Enriques. Precedenti i vetëm mes skuadrave i takon sezonit 2019/20 dhe ëndrrës së shuar të Atalantës së Gian Piero Gasperinit, që humbi çerekfinalen kundër francezëve në Champions-in e gushtit. Juric dhe skuadra e tij kanë pak të përbashkëta me atë version të “Zonjës së Vogël”, por u shlyen pas një lamtumire të vështirë.
Fitorja me “poker” kundër Lecces i ka kthyer entuziazmin një ambienti të thyer nga çështja-Lookman, me nigerianin që është ende jashtë skuadre dhe refuzon të pranojë një situatë paqësore. Rikthimi i tij ishte marrë në konsideratë nga Atalanta, para prishjes së re dhe fjalëve shumë të forta të Juricit. Tani situata është sërish e ndërlikuar dhe punohet me diplomaci për ta rregulluar, por ndërkohë ish-lojtari i Leipzig është jashtë ndeshjes. Atalanta pritet të zgjedhë një skemë më të mbuluar, me Pasalic mes dy trekuartistëve bashkë me De Ketelaere dhe Krstovic i vetëm në majë. Në mesfushë do të shtohej Musah, gati të bëjë dyshe me de Roon, me Bellanova-Zalewski në krahë dhe mbrojtjen me tre të përbërë nga Kossounou-Djimsiti në krahët e Hien.
Për Psg, Kvaratskhelia mund të jetë partner i Gonçalo Ramos dhe Barcolës: nëse nuk do të ja dalë, hapësirë për Mayulu. Për pjesën tjetër, do të luajë formacioni bazë që fitoi Champions-in dhe humbi finalen e Kupës së Botës për Klube. Hapësirë për Hakimin dhe Nuno Mendes në krahë, mesfushë e udhëhequr nga Vitinha dhe Fabian Ruiz, me duon Marquinhos-Pacho që mbrojnë Chevalier.
NDESHJET E TJERA
Mbrëmja parashikon edhe katër ndeshje të tjera. Fillimi në orën 18:45 është i qetë, me dy ndeshje që nuk do ta çmendin publikun e madh: Olympiacos-Pafos është një derbi rajonal mes Greqisë dhe Qipros, ndërsa Slavia Praga debuton në shtëpi kundër Bodo/Glimt. Krejt tjetër muzikë në orën 21, me dy super sfida përkrah Ajax-Inter dhe Psg-Atalanta. Luhen në fakt Liverpool-Atletico Madrid dhe Bayern Munchen-Chelsea, me Reds që ëndërrojnë të nisin një rrugëtim drejt fitores në Europë dhe një duel që është parë edhe në merkato. Bayern dhe Chelsea kanë negociuar gjatë për Nicolas Jackson, që tani është zëvendës-Kane: nuk do të jetë aspak e thjeshtë ndeshja e kthimit në Champions League për Blutë, kampionë të botës me Enzo Maresca.
League Stage Champions League
18:45 Olympiacos – Pafos FC
18:45 Slavia Prague – Bodoe/Glimt
21:00 Ajax – Inter
21:00 Bayern Munich – Chelsea
21:00 Liverpool – Atletico Madrid
21:00 Paris Saint-Germain – Atalanta
