Gjykata e Apelit të GJKKO-së pritet të shpallë sot vendimin mbi dy kërkesat e ish-kryeministrit Sali Berisha, atë kundër masës ‘arrest shtëpie’, si edhe përjashtimin e gjyqtares Irena Gjoka nga çështja e tij.
Seanca e djeshme zgjati për rreth tre orë, ndërsa në fund gjyqtarja Olldashi vendosi që ta shtyjë për sot shpalljen e vendimit për ish-kryeministrin në hetim për çështjen ‘Partizani’.
Ndërkohë Jamarbër Malltezi pritet të merret sot në pyetje nga SPAK në orën 10:00. Ai ka depozituar në Gjykatën e Lartë rekurs kundër masës së sigurisë “arrest në shtëpi”.
