Calvin Harris dhe prezantuesja, Vick Hope, janë në pritje të fëmijës së tyre të parë së bashku.
Aludimet u nxitën gjatë një interviste në BBC Radio 1 që Hope, pati me aktoren Florence Pugh për serialin “Thunderbolts” të Marvel.
Në videon e publikuar në rrjetet sociale, prezantuesja shihet me barkun e rrumbullakosur.
Menjëherë pasi intervista u publikua, Hope ndau foto të saj shtatzënë në Instagram. Ajo gjithashtu e rindau postimin në Instagram Stories duke shkruar: “Shumë gjëra kanë ndodhur kohët e fundit”.
Lajmi vjen afërsisht dy vite pas martesës së tyre intime në Angli, në shtator të vitit 2023. Ata u panë për herë të parë së bashku në fillim të 2022-it dhe shumë shpejt nisën thashethemet për fejesë, pasi Vick Hope u shfaq me një unazë diamanti në Chelsea Flower Show.
