Brooklyn Beckham dhe bashkëshortja e tij, aktorja Nicola Peltz, thuhet se nuk kanë aspak interes të pajtohen me familjen Beckham për momentin.
Thank you for reading this post, don't forget to subscribe!Sipas burimeve për revistën Us Weekly, djali i madh i David dhe Victoria Beckham është i fokusuar të jetojë një jetë të qetë dhe pa drama me partneren e tij.
“Ata kanë ndërtuar botën e tyre dhe janë shumë të lumtur në të,” – tha burimi. “Duan që gjithçka të qetësohet natyrshëm, pa detyruar asgjë që ende ndjehet e tensionuar.”
Më tej, burimi shtoi se marrëdhëniet mes Brooklyn dhe familjes së tij janë ende të acaruara. Thuhet se ai nuk mban kontakt me prindërit e tij, David dhe Victoria, dhe as me vëllezërit Romeo dhe Cruz. Nuk është bërë e ditur nëse ai komunikon me motrën më të vogël, Harper.
Zërat për konfliktin mes çiftit dhe familjes Beckham u përforcuan gjatë verës, kur Brooklyn dhe Nicola munguan në ditëlindjen e 50-të të David Beckham në maj. Po ashtu, u raportua për një konflikt mes Brooklyn dhe Romeo-s, për shkak të një lidhjeje të kaluar me ish-partneren e këtij të fundit, Kim Turnbull – diçka që Turnbull e mohoi publikisht.
Në korrik, burime për Page Six bënë të ditur se Brooklyn kishte ndërprerë çdo kontakt me familjen dhe nuk u përgjigjej mesazheve apo thirrjeve të tyre.
Gjithashtu, në gusht, çifti rinovoi betimet martesore në një ceremoni private, ku asnjë nga anëtarët e familjes Beckham nuk ishte i ftuar.
Raportet e mëparshme kanë treguar se marrëdhënia mes Nicola Peltz dhe vjehrrës së saj, Victoria Beckham, ka qenë e tensionuar që nga dasma e çiftit në 2022. Thuhet se Victoria ka ndërhyrë në momentin e parë vallëzues të çiftit, çka çoi Nicola-n në lot. Nga ana e saj, një burim pranë Victorias ka deklaruar se ajo “nuk e kupton si mund ta ketë lënduar Nicola-n”.
Megjithatë, në dokumentarin e saj të fundit në Netflix, Victoria bëri një përmendje pozitive për Brooklyn, ndërsa një pjesë e shkurtër e dokumentarit përfshinte edhe Brooklyn dhe Nicola-n – pavarësisht përçarjes familjare.
