Bordi i Transparencës ka përcaktuar tarifat e reja për tregtimin e karburanteve në vend. Nga vendimi i sotëm, nafta do të shitet me pakicë me një çmim maksimal prej 218 lekësh për litër, ndërsa benzina nuk do të kalojë 179 lekë për litër.
Ndërkohë, në tregun e shumicës, nafta do të tregtohet deri në 206 lekë për litër dhe benzina deri në 167 lekë për litër. Këto çmime do të nisin të zbatohen sot në orën 15:00 dhe do të jenë në fuqi deri në vendimmarrjen e radhës së Bordit të Transparencës.
