Bordi i Transparencës ka ndryshuar sërish çmimin e karburanteve në vend. Bëhet me dije se çmimi i naftës është ulur nga 216 lekë në 210 lekë për litër, ndërsa ai i benzinës nga 172 lekë në 169 lekë për litër. Sipas vendimit, çmimi maksimal i shitjes me shumicë për naftën do të jetë 198 lekë për litër, ndërsa për benzinën 157 lekë për litër.
Çmimet e reja do të hyjnë në fuqi sot, në orën 13:45, dhe do të mbeten të vlefshme deri në mbledhjen e ardhshme të Bordit të Transparencës. Në njoftim thuhet gjithashtu se në rast të shkeljeve të konstatuara nga operatorë të ndryshëm do të vendoset pezullimi i aktivitetit.
