Një tronditje e vërtetë që ka shokuar sportin francez, veçanërisht komunitetin e hendbollit, pas lajmit të befasishëm dhe deri më tani të pashpjegueshëm të vdekjes së 21-vjeçares Jemima Kabeye. Ajo kishte luajtur ndeshjen e saj të fundit si portiere e Plan-de-Cuques me një paraqitje të shkëlqyer, duke arritur 50% të pritjeve ndaj Chambray në Ligën e Parë Franceze. Më pas, një problem shëndetësor i papritur rezultoi fatal.
“Federata Spanjolle e Hendbollit shpreh ngushëllimet më të sinqerta për familjen dhe miqtë e Jemima Kabeye, lojtare e HBPC Plan-de-Cuques, e cila u nda nga jeta papritur në moshën 21-vjeçare,” shkruhej në një postim në rrjetet sociale. “Një tragjedi që ka prekur të gjithë familjen e hendbollit. U prefsh në paqe”.
Desde la Real Federación Española de Balonmano queremos transmitir a los familiares y amigos de Jemima Kabeye, jugadora del HBPC Plan-de-Cuques que ha fallecido repentinamente a los 21 años, nuestras más sinceras condolencias.
️ Una tragedia que nos ha sobrecogido a toda la… pic.twitter.com/I8nYvfL9vL
— RFEBalonmano (@RFEBalonmano) February 12, 2025
Të gjitha ndeshjet e klubit janë pezulluar
Hetimet për shkaqet që çuan në shtrimin urgjent në spital dhe më pas në vdekjen e lojtares së re të hendbollit janë ende në vazhdim. Ndërkohë, ekipi i saj, HBPC Plan-de-Cuques, ka pezulluar të gjitha ndeshjet e ardhshme, i tronditur nga tragjedia dhe në shenjë zie dhe respekti:
“Me trishtim të madh dhe dhimbje të thellë njoftojmë ndarjen e papritur nga jeta të luftëtares sonë, Jemima Kabeya. Përveçse një portiere e talentuar dhe një shoqe skuadre shembullore, Jemima ishte mbi të gjitha një vajzë rrezëllitëse, plot gëzim dhe me një zemër të madhe. Buzëqeshja dhe përkushtimi i saj do të mbeten përgjithmonë në zemrat tona dhe në historinë e Plan-de-Cuques.”
“Në këto momente të dhimbshme, mendimet tona janë kryesisht me familjen e saj, prindërit, vëllain dhe motrën e saj, por edhe me lojtarët dhe stafin tonë. U shprehim ngushëllimet më të sinqerta dhe i ofrojmë mbështetjen tonë të plotë.”
Plan-de-Cuques, një tjetër tragjedi tetë vite më parë
Për fat të keq, kjo nuk është hera e parë që klubi Plan-de-Cuques përballet me një tragjedi të tillë. Tetë vite më parë, ekipi francez humbi një tjetër lojtare, Flora Girolami, e cila u nda nga jeta si pasojë e një meningjiti fatal. Për të ndihmuar familjen e Jemima Kabeye, Plan-de-Cuques ka vendosur të krijojë një fond donacionesh.
