Presidenti francez Emanuel Macron do tu bashkohet punimeve të Samitit të Berlinit pasditen e të hënës së 16 Tetorit për të vijuar me vizitën zyrtare në Shqipëri.
Ndërkohë është zbardhur agjenda e takimit të ditës së nesërme ku thuhet se do të takohet me Presidentin e Republikës së Shqipërisë, Bajram Begaj.
Agjenda e plotë:
Presidenti i Republikës së Francës, Emmanuel Macron, do të zhvillojë një vizitë zyrtare në Shqipëri.
Nesër më 17 tetor 2023 Presidenti francez do të takohet me Presidentin e Republikës së Shqipërisë, Bajram Begaj.
Më poshtë agjenda e vizitës në Presidencë:
8:25 -Mbërritja e Presidentit të Republikës Franceze në Institucionin e Presidentit të Republikës.
Presidenti i Republikës franceze do të pritet nga Presidenti i Republikës, Sh.T.Z. Bajram Begaj.
-Interpretohet himni kombëtar francez;
-Interpretohet himni kombëtar shqiptar;
-Kryhet kalimi para truprojës së nderit;
-Dy krerët e shteteve prezantojnë ekipet e tyre respektive.
Presidenti i Republikës së Francës ftohet të nënshkruajë në librin e të ftuarve.
Në hollin ”Nënë Tereza” do të bëhet fotoja zyrtare.
08:35 – 09:05 – Takim kokë më kokë mes dy presidentëve.
Macron shtyu ardhjen e tij në Tiranë për pasditen e së hënës (16 tetor), për të marrë pjesë në Samitin e Procesit të Berlinit, për shkak të një sulmi terrorist në Arras (Francë) ku mbeti i vrarë një mësues dhe nga situata në Lindjen e Mesme.
Sipas mediave franceze, mësohet se Presidenti francez pritej fillimisht të hënën në mëngjes te mbërrinte në Shqipëri për të marrë pjesë në samitin e 9-të të procesit të Berlinit, por ardhja e tij është shtyrë të hënën vonë pasdite, për pjesën dypalëshe të vizitës së tij, e cila do të zhvillohet të martën (17 tetor).