Gazment Bardhi e ka vazhduar edhe pas daljes nga Parlamenti, konfliktin me kreun e PD-së së vulës, Lulzim Bashën.
Bardhi tha se një muaj pasi Basha humbi zgjedhjet e vitit 2021, bëri një kontratë porosie për dy kate në kullën te Liqeni Artificial i Tiranës.
Bardhi: Së pari më lejoni të sqaroj se situata si kjo e sotmja e provokuar nga Basha janë të përsëritura kur mazhoranca është në vështirësi. E mbani mend kur McGonigal pranoi fajësinë, i kurdisur si ato lodrat erdhi në Kuvend dhe bëri të njëjtën gjë. Edhe sot, kur Edi Rama duhej të mbahej përgjegjës, i kurdisur nga Taulant Balla ngre një problem tashmë të zgjidhur nga PD. Basha e di shumë mirë si është legjislacioni dhe kushtetuta, por ka interes që sa herë mazhoranca është në probleme vjen dhe ngre të njëjtin shqetësim. E vërteta është që në 2021 demokratët luftonin që të bënin Bashën kryeministër, ndërkohë 1 muaj pas humbjes i fut një porosi për 2 kate për kullën më të shtrenjtë të Tiranës.
