Barcelona është goditur nga një humbje e rëndë pak para ndeshjes së kampionatit kundër Osasunës. Kur presidenti, Joan Laporta, zbriti në dhomat e zhveshjes, atmosfera u shndërrua në një heshtje të trishtë kur komunikoi lajmin e dhimbshëm, një nga ato që askush nuk do të donte të jepte, dhe që çoi në shtyrjen e ndeshjes për shkak të një rrethane të jashtëzakonshme: ndarja nga jeta e mjekut Carles Miñarro Garcia.
“Ky është një lajm shumë i dhimbshëm,” – pranoi presidenti i klubit. – “Jemi në gjendje shoku. Ndodhi papritur. Lojtarët mbetën të tronditur. Kemi kontaktuar nënën dhe bashkëshorten e tij. Carles lë pas dy fëmijë, Gerard dhe Ana. Jemi shumë pranë familjes së tij dhe e mbështesim në gjithçka që ka nevojë.”
Las palabras del presidente @JoanLaportaFCB tras el fallecimiento del doctor del primer equipo, Carles Miñarro Garcia pic.twitter.com/GW83d2TlMg
— FC Barcelona (@FCBarcelona_es) March 8, 2025
Lojtarët u kthyen në dhomat e zhveshjes
Sipas informacioneve të dhëna drejtpërdrejt nga gazetarët e DAZN, vendimi për shtyrjen e ndeshjes u mor për shkak të vdekjes së një anëtari të stafit mjekësor të Barcelonës: doktor Garcia. Lojtarët nuk ishin në dijeni të ngjarjes kur mbërritën në stadium. Ata mendonin se do të zhvillonin rutinën e zakonshme të një ndeshjeje, por u përballën me fjalët e dhimbshme të presidentit që i informoi për tragjedinë. Në fushë ishin portierët dhe lojtarët e të dyja skuadrave, por ata u panë duke e lënë papritur fushën, gjë që ngjalli shumë kureshtje.
El Club Atlético Osasuna desea trasladar su más sentido pésame a los familiares del doctor Carles Miñarro Garcia y quiere enviar un fuerte abrazo en estos duros momentos a todo el staff del F. C. Barcelona, así como a sus aficionados. Descanse en paz. Goian bego. pic.twitter.com/AkUrW8qb46
— C. A. OSASUNA (@Osasuna) March 8, 2025
Deklaratat zyrtare të klubeve: ngushëllime dhe dhimbje
Çfarë ndodhi? E vërteta u mësua pak më vonë, kur media spanjolle sqaroi arsyen pse ndeshja e javës së 27-të të La Ligës nuk do të luhej. Në orën 20:40, pasi formacionet ishin shpallur zyrtarisht, Barcelona njoftoi përmes altoparlantëve të stadiumit dhe një komunikate se ndeshja nuk do të zhvillohej.
“FC Barcelona është thellësisht i pikëlluar,” – thuhet në deklaratën zyrtare, – “për të njoftuar lajmin e trishtuar të ndarjes nga jeta të mjekut të ekipit të parë, Carles Miñarro Garcia, pasditen e sotme. Për këtë arsye, ndeshja mes FC Barcelona dhe CA Osasuna shtyhet për një datë të re. Bordi Drejtues dhe gjithë punonjësit e FC Barcelona shprehin ngushëllimet më të sinqerta për familjarët dhe miqtë e tij, duke u bashkuar me ta në këtë moment të vështirë”.
Mesazh ngushëllimi edhe nga Osasuna
Në të njëjtën kohë, edhe Osasuna publikoi një deklaratë duke shprehur ngushëllimet e saj dhe duke u bashkuar me dhimbjen e komunitetit blaugrana.
“Club Atlético Osasuna dëshiron të shprehë ngushëllimet më të sinqerta për familjen e doktor Carles Miñarro Garcia dhe të dërgojë një përqafim të ngrohtë për gjithë stafin e FC Barcelona, si dhe për të gjithë tifozët e saj, në këtë moment të vështirë. Pushofsh në paqe.”
