Dhjetë grupe shoqatash të lidhura me Barcelonën kanë kërkuar dorëheqjen e menjëhershme të presidentit të klubit, Joan Laporta, dhe bordit të tij drejtues. Në një komunikatë të shpërndarë sot, e diel, më 5 janar, grupe, platforma dhe shoqata të lidhura me klubin katalanas, përfshirë “Sí al Futuro,” e përfaqësuar nga Víctor Font, dhe “Som un Clam” e Joan Camprubí, i kanë bërë thirrje presidentit të tërhiqet pas dështimit për të regjistruar lojtarët Dani Olmo dhe Pau Víctor, për shkak të mosrespektimit të afateve të përcaktuara më 31 dhjetor 2024.
Çështja Dani Olmo dhe Pau Víctor është kthyer në një skandal të vërtetë. Në orët e fundit, Federata Spanjolle e Futbollit dhe La Liga, përmes një deklarate të përbashkët, kanë refuzuar dhënien e licencës përfundimtare për dy lojtarët e Barcelonës, të cilët tani janë të lirë të firmosin për klube të tjera. Megjithatë, presidenti Laporta nuk ka ndërmend të tërhiqet dhe është gati t’i drejtohet Këshillit të Lartë të Sportit (CSD) për të kërkuar regjistrimin e përkohshëm të lojtarëve, madje edhe gjykatës së drejtësisë së zakonshme, nëse është e nevojshme.
Shumë klube spanjolle kanë kërcënuar me veprime ligjore në rast se Dani Olmo dhe Pau Víctor regjistrohen nga Barcelona. Situata në nivelet më të larta të futbollit spanjoll është e tensionuar dhe vazhdon të përshkallëzohet.
Ten opposition groups have demanded the resignation of Joan Laporta as #Barca President. pic.twitter.com/XYwm1OrVsF
— Football España (@footballespana_) January 5, 2025
