Jo çdo gjë shkon mirë në këtë vigjilje të ndeshjes së Nations League kundër Çekisë. Kombëtarja shqiptare ka kryer pasditen e sotme seancën e radhës stërvitore në ambientet e “Shtëpisë së Futbollit”, në kuadër të ndeshjeve ndaj Çekisë dhe Gjeorgjisë, por sikur të mos mjaftonin mungesat e rënda, për teknikun Sylvinho shfaqen të tjera probleme.
Departamenti i Komunikimi në FSHF bën me dije se me grupin janë bashkuar edhe Nedim Bajrami, Arbër Hoxha e Qazim Laçi, ndërsa Kristjan Asllani e Myrto Uzuni kanë probleme muskulore dhe u stërvitën të diferencuar. Të dy lojtarët janë në monitorimin e stafit mjekësor të Kombëtares dhe pritet që nesër të bashkohen me grupin.
Përsa i përket pjesës tjetër të grupit në dispozicionin të brazilianit Sylvinho, të gjithë lojtarët u stërvitën normalisht dhe morën ngarkesën e plotë. Stërvitja e sotme nisi me punën në palestër e më pas trajneri Silvinjo së bashku me ekipin provuan disa situata të ndryshme loje dhe ana taktike. Seanca e radhës stërvitore e Kombëtares do të zhvillohet nesër në “Shtëpinë e Futbollit”.
⚽ Trajneri Silvinjo ka shtuar në listë për ndeshjet kundër Çekisë dhe Gjeorgjisë mesfushorin Feta Fetai, ndërsa në vend të tij te Kombëtarja U-21 është ftuar Hajrulla Tola.#kombëtarja #fshf #nationsleaguehttps://t.co/w2DRuoqa3G
— FSHF (@FSHForg) October 8, 2024
