Ditën e sotme gjykata e Elbasanit ka vendosur lirimin ng burgu të ish-ministrit Saimir Tahiri, i dënuar me 3 vite e 4 muaj burg, në akuzën e shpërdorimit të detyrës.
Tahiri do të vuajë pjesën e mbetur të dënimit, në shtëpi. Ka qenë gjyqtarja Matilda Fetahu ajo që ka dhënë “Ok” për lirimin e ish-ministrit të Ramës.
Më 4 shkurt të vitit 2022, Saimir Tahiri u dënua me 5 vite burg për “Shpërdorim detyre”. Për shkak të gjykimit të shkurtuar, Tahiri u dënua me 3 vite e 4 muaj burg.
Tahiri u dënua vetëm për “Shpërdorim detyre” duke i ‘shpëtuar’ akuzave “Korrupsion të zyrtarëve të lartë”, “Trafik të lëndëve narkotike kryer në bashkëpunim” dhe “Grup të strukturuar kriminal”.