Ariana Grande vazhdoi të nxiste aludime se martesa e saj me bashkëshortin Dalton Gomez është në krizë.
Artistja u fotografua në finalen e meshkujve të Wimbledon të dielën pa pa unazën e saj të martesës. Grande, e cila ishte ulur mes Andrew Garfield dhe Jonathan Bailey, reagoi ndaj momenteve gjatë ndeshjes duke mbuluar gojën me dorën e djathtë ndërsa dora e saj e majtë mbështetej në prehrin e saj.
Hera e fundit që këngëtarja “God Is a Woman”, u pa me unazën e saj të martesës në publik ishte në prill në koncertin e Jeff Goldblum në Londër. Pas paraqitjes së saj , fansat reaguan në Twitter. “Thjesht dua të di nëse dikush tjetër ka vënë re se nuk ka unazë??” një person ka postuar në Twitter. “Akush tjetër nuk e vuri re që #ArianaGrande nuk e ka mbajtur unazën e saj të martesës?” tha një tjetër.
Grande ka qenë e zënë gjatë xhirimeve të filmit të ardhshëm “Wicked”, i cili është pezulluar për shkak të grevës së aktorëve. Ajo ka qenë gjithashtu relativisht e qetë në rrjetet sociale, megjithëse unaza e saj ka munguar dukshëm në postimet e saj muajt e fundit.
Megjithatë, krijuesja e hitit “7 Rings” ndau disa foto me bashkëshortin e saj në maj për të festuar përvjetorin e dytë të martesës. “Unë e dua shumë atë”, shkroi ajo një foto bardh e zi nga dita e tyre e dasmës në Story-n e saj në Instagram. Asokohe ajo sqaroi gjithashtu se ata kishin tre vite e gjysmë bashkë. Dalton dhe Ariana u martuan në vitin 2021 në një ceremoni të qetë në shtëpinë e saj në Montecito, Kaliforni. Ajo më parë ishte në lidhje me Pete Davidson, Big Sean dhe të ndjerin Mac Miller.
