Lëvizjet në mbrojtje te Napoli janë të lidhura me të ardhmen e Rafa Marin, i cili sipas Tuttosport po ndiqet nga skuadra e Villarealit.
Nëse një lëvizje e tillë do të ndodhë, në këtë rast skuadra e Antonio Contes do të futet sërish në lojë për të marrë Ardian Ismajlin nga Empoli.
Qendërmbrojtësi i Kombëtares sonë ka një vlerë në merkato rreth 8 milionë euro, një shifër që do të pranohej menjëherë nga Empoli.
Për Conte-n ai do të ishte një përforcim perfekt, pasi është një mbrojtës ekspert dhe i besueshëm në Seria A, ku dhe ka bërë ndeshje mjaft të mira këtë sezon. I aftë për t’u integruar shpejt, mund të shërbejë si një alternativë në repartin e mbrojtjes.
