Dhomat e zhveshjes së Real Madrid kanë nevojë për “kurën” José Mourinho, i vetmi trajner në gjendje të mbledhë rrënojat e këtij sezoni. Fyerja e fundit erdhi nga Dani Carvajal në festën e tij të lamtumirës: ai ftoi skuadrën, disa anëtarë të stafit, por jo trajnerin Álvaro Arbeloa, i lënë jashtë festimeve. Ishte një sinjal i fortë nga lojtari, që dukshëm bën pjesë në fraksionin kundër trajnerit, i cili dikur ka qenë edhe shoku i tij i skuadrës, një e kaluar tashmë shumë e largët.
Sipas asaj që raporton The Athletic, tekniku ishte i vetmi i përjashtuar nga ky moment feste, një prishje përfundimtare e një raporti që nuk nisi kurrë mirë. Spanjolli do t’i thotë lamtumirë Real Madrid pas ndeshjes së fundit të këtij kampionati të programuar të shtunën kundër Athletic Bilbao dhe do t’i lërë vendin “Special One”, të cilit do t’i takojë detyra të rindërtojë gjithçka që ka mbetur.
Arbeloa i përjashtuar nga festa e Carvajal
Nuk është një risi, por përjashtimi i trajnerit nga festa e lamtumirës së Dani Carvajal është një sinjal shumë i rëndësishëm. Divorci i teknikut Álvaro Arbeloa me Real Madrid është vetëm çështje kohe, por mungesa e tij bën shumë zhurmë: futbollisti spanjoll ftoi të gjithë në festën e tij, nga lojtarët te stafi, përveç teknikut që u detyrua të përtypte një tjetër poshtërim në muajt e fundit. Ai nuk e pati kurrë situatën në kontroll dhe në fund dhomat e zhveshjes së Blancos u shembën mes përçarjeve të brendshme të pa menaxhuara dhe pakënaqësisë gjithnjë në rritje.
Sipas gazetës angleze, disa lojtarë të Real Madrid nuk do t’i flisnin fare teknikut Álvaro Arbeloa, një skenar i besueshëm duke parë përçarjen që u shfaq edhe në një moment feste. Do të kishte qenë rasti për t’u përshëndetur përfundimisht, por Dani Carvajal preferoi ta përjashtonte trajnerin, akti i fundit i aventurës së tij në Madrid. Kështu hapet epoka e dytë e José Mourinho, i cili do të duhet të mbledhë copat për të rifilluar.
