Para, para, para. Shumë para, shumë. 175 milionë euro, aq sa është klauzola e lirimit të përfshirë në kontratën mes portugezit Leao dhe Milan. Arabët e Al-Hilal janë të gatshëm të shkojnë deri në këtë nivel për të rrëmbyer sulmuesin portugez nga kuqezinjtë. Lajmi i bujshëm u trumpetua sot nga gazeta sportive portugeze ‘O Jogo’. E përditshmja, në faqen e saj të parë, flet për një ofertë të mbërritur në Casa Milan, ekonomikisht e parefuzueshme. Theksi është në një pikë që e lë Milan në duart elojtarit: duke qenë se ka të bëjë me pagesën e klauzolës, mbetet që të të kuptohet se cili mund të jetë vullneti i Leao.
Sipas asaj që shkruan O’Jogo, klubi arab synon të tentojë Kupën e Botës për Klube, kompeticion në të cilin do të marrë pjesë në verën e vitit 2025. E, për këtë arsye, i ka hedhur sytë nga talenti portugez, gati për t’i trefishuar pagën aktuale prej shtatë milionësh që Leao merr nga Milan. Këtë sezon Al-Hilal, një skuadër që tashmë ka në organikë Koulibaly, Milinkovic-Savic dhe Neymar, u bë kampione e Arabisë pasi dominoi kampionatin. Lojtarët e stërvitur nga një tjetër portugez, Jorge Jesus, fituan titullin me tre javë nga fundi. Al-Hilal përfundoi i pamposhtur me 90 pikë (+12 ndaj Al Nassr të Cristiano Ronaldos) dhe 96 gola të shënuar.
https://x.com/ojogo/status/1793541413529141659?ref_src=twsrc%5Etfw%7Ctwcamp%5Etweetembed%7Ctwterm%5E1793541413529141659%7Ctwgr%5E7a3d792c85f59952e11f753f9c6127cd3c046fe3%7Ctwcon%5Es1_&ref_url=https%3A%2F%2Flapsi.al%2F2024%2F05%2F23%2Farabet-frikesojne-milan-al-hilal-gati-te-paguaje-klauzolen-per-te-marre-leao%2F
