Gjykata e Lartë ka rrëzuar rekursin e Alma Kaçit për masën e sigurisë ‘Arrest shtëpie’. Alma K u përfshi në skandalin seksual që çoi në pranga kryebashkiakun e atëhershëm të Kukësit Safet Gjici.
Alma kërkoi masë më të butë sigurie, por kjo kërkesë u rrëzua ditën e sotme nga Gjykata e Lartë. Ndërkohë që disa ditë më parë SPAK përfundoi hetimet ndaj Gjicit dhe Kaçit, duke e çuar dosjen ndaj tyre për gjykim në GJKKO. Gjici akuzohet për korrupsion pasiv, ndërkohë që Kaçi për korrupsion aktiv.
Safet Gjici u vu në pranga për “korrupsion pasiv”, pasi dyshohet se ka favorizuar Alma Kaçin, duke i ofruar mbështetje financiare, me vendim të Këshillit Bashkiak, mbi një projekt për strehimin dhe kujdesin ndaj qenve endacakë në qytet. Vetë 40-vjeçarja ka pranuar se donte nga Gjici tenderin e qenve, ndërsa ish-kryebashkiaku ka thënë se nuk e ka shkelur ligjin.
