Dy ndeshje krejtësisht të ndryshme, në harkun vetëm të tre ditëve. Për Kuqezinjtë e Sylvinhos nuk ka kohë për të qarë humbjen me Anglinë në debutim, për më tepër jo e paparashikuar, sepse me kthimin në Tiranë kundërshtar vjen Andorra, e menduar si skuadra pedanë nga të gjithë përvecse nga Koldo Alvarez dhe njerëzit e tij.
Thank you for reading this post, don't forget to subscribe!Në Wembley treguam pak apo aspak në aspektin ofensiv, por krijuam bindjen se dimë të mbrohemi dhe mirë, kundër një skuadre që mbërrin finalet në dy turnetë e fundit madhorë europianë. Bellingham, Kane e Foden do tja kishin bërë jetën të ëvshtirë kujtdo, por me një Gjimshiti në nivele brilante, kanë treguar karakter edhe Aliji apo Ajeti. Për sulmin nuk është se u krijuan shumë mundësi, e megjithatë ato 30 minutat e Brojës janë optimiste, për impulse e talentit shqiptar që fati e ka mbajtur larg fushave, për keqardhjen e Sylvinhos të parit.
Tani, shumë gjëra duhet të ndryshojnë, ndoshta duke filluar nga formacioni, me ndonjë të rikthyer e ndonjë të dëmtuar, por mbi të gjithë në mentalitet. Kjo është puna më e vështirë për teknikun brazilian, që është thirrur në cështje të bëjë kundër Andorrës, atë që bëri Anglia kundër nesh. Andorranët e shitën me vështrësi lëkurën kundër Letonisë e do të mbyllen edhe më shumë në Arena Kombëtare.
Precedentët
Precedentët natyrisht janë në favor të kuqzinjve, por mes tyre janë dy që duhet të shqetësojnë jo pak. Fitorja e parë historike e tyre është pikërisht 2-0 në vitin 2002 kundër Shqipërisë së drejtuar në atë kohë nga Sulejman Demollari. Pas asaj ndeshje, Demollari u shkarkua menjëherë. Ndërsa, në vitin 2019, Andorra erdhi në Tiranë, duke marrë befasisht një barazim 2-2, kur në pankinë ishte Edy Reja. Rrugëtimi i vërtetë i Shqipërisë fillon ekzaktësisht të hënën kundër Andorras, Anglia është e një tjetër lige për të gjithë, prandaj gabimet mund të llogariten duke nisur nga kjo ndeshje. E këtë gjë Sylvinho e di mirë.
Kombëtarja është gati për ndeshjen e dytë në Grupin K ndaj Andorrës, e vlefshme për kualifikueset e Kupës së Botës 2026. Kuqezinjtë mbyllën pasditen e djeshme përgatitjet në stadiumin “Arena Kombëtare”. Të gjithë lojtarët u stërvitën normalisht dhe do të jenë në dispozicion të trajnerit Silvinjo për ndeshjen ndaj Andorrës. Takimi Shqipëri – Andorra do të luhet sot në “Arenën Kombëtare”, në Tiranë, në orën 20:45.
