Amy Schumer ka ndarë me ndjekësit e saj në Instagram një përditësim të rëndësishëm, duke treguar se është operuar për shkak të një problemi me shpinën.
Ajo njoftoi se ka kryer një laminectomi, një kirurgji ku hiqet një pjesë e kockës së shtyllës kurrizore për të lehtësuar dhimbjet.
Në postimin e saj, Schumer shpjegoi se problemi ka nisur nga një dëmtim i kaluar në surf. Megjithatë, komediania e njohur e mori situatën me humor, duke shkruar: “Që nga lëndimi im me surf, L5 më ka shkaktuar shumë dhimbje. Sot bëra një laminektomi! Rikuperimi është i shpejtë dhe kur të ndihem më mirë, do të blej recipeta!”
Po ashtu, ajo postoi edhe një selfie në Instagram Stories nga spitali, duke ndarë një moment nga rikuperimi i saj dhe një koment humoristik mbi bisedat që kishte dëgjuar në spital: “Dëgjova një bisedë pas operacionit: ‘Pickleball mbajnë këtë vend në biznes’”.
Schumer ka qenë gjithmonë e hapur me fansat për përvojat e saj shëndetësore.
Ajo ka diskutuar kohët e fundit për përdorimin e ilaçeve për humbje peshe, ku në muajin mars zbuloi se po përdorte Mounjaro dhe kishte pasur një përvojë pozitive me të, pas një periudhe të vështirë me Ozempic. “Ozempic më bëri të përjetoj një përvojë të tmerrshme me të vjella,” ka treguar Schumer në një intervistë.
