Napoli ka arritur ta mposhtë Milanin me rezultat 2-0 në “San Siro”, duke vazhduar si lider në Serie A.
Amir Rrahmani luajti për 90 minuta dhe ishte prej më të mirëve në fushë, duke dhuruar edhe një herë një paraqitje solide dhe duke u vlerësuar me notë 7.1 nga SofaScore.
Ai kishte 46 prekje të topit, ndërsa nga 39 pasime sa tentoi, kompletoi 38, me një saktësi prej 97 për qind.
Kapiteni kosovar ishte brilant me pasime e gjata, duke kompletuar katër nga katër. Po ashtu ai kishte edhe gjashtë spastrime nga zona, ndërsa nuk u driblua asnjëherë.
