Amber Heard nuk e pranoi vendimin e ish të dashurit të saj Elon Musk për të ndarë një foto të saj në cosplay, ka mësuar Page Six.
Një burim i njohur me situatën tregoi se se aktorja “nuk i dha leje Elon të përdorte foton”, e cila kishte për qëllim të qëndronte “private”. Manjati miliarder i teknologjisë postoi në Twitter imazhin në fjalë – i cili tregonte Heard të veshur si personazhi i lojërave video Mercy nga “Overwatch” për të konfirmuar një anekdotë në biografinë e re të autorit Walter Isaacson për të.
Thuhet se Heard ndihej e mërzitur nga veprimi duke pasur parasysh se “Elon i kërkoi asaj disa herë të fliste me Walter” për librin, gjë që “ajo e bëri … nga respekti për të”.
Diku tjetër në biografi, Isaacson pretendoi se miqtë dhe vëllai i pronarit të Twitter-it, Kimbal Musk, “e urrenin Amber me një pasion që e zbehte neverinë e tyre për Justine Wilson ( gruaja e parë e Elon)”.
Duke diskutuar për marrëdhëniet romantike të vëllait të tij në përgjithësi, Kimbal tha: “Është vërtet e trishtueshme që ai bie në dashuri me këta njerëz që janë vërtet të këqij për të. Ata janë të bukur, pa diskutim, por kanë një anë shumë të errët dhe Elon e di që janë toksikë.”
Ndërkohë, ish e dashura e miliarderit , Grimes – me të cilën ai u takua pas Heard dhe që është nëna e tre prej 11 fëmijëve të tij – e përshkroi aktoren e “Justice League” si “të keqe kaotike”.
