I Ngarkuari me Punë i Ambasadës në Tiranë, H. Martin McDoëell është takuar sot me Ministrin e Brendshëm Taulant Balla për një sërë çështjesh të lidhura me sigurinë. Sipas njoftimit të ambasadës, i ngarkuari me Punë McDoëell vuri në dukje shqetësimet e SHBA në lidhje me ndërhyrjen e raportuar në sistemet TIMS në Policinë e Shtetit.
Ai nxiti një hetim të shpejtë dhe të gjithanshëm dhe theksoi rëndësinë që ka mbrojtja e të dhënave vetjake/sensitive, përfshi edhe të qytetarëve amerikanë në Shqipëri.
Pak ditë më parë u bë publik një hetim i prokurorisë në lidhje me një linjë paralele interneti në zyrat e strukturës operacionale të policisë së shtetit. Operacionalja drejtohej nga Oltion Bistri deri pak javë më parë. Ai u arrestua pasi akuzohet se merrte para nga biznesmeni Pëllumb Gjoka që kishte një pikë kazinoje në Tiranë. Në bisedat mes të dyve ishin të përfshirë edhe emra të të tjerë të policisë së shtetit.
