Dy ish-punonjëse të Akademisë Donda po padisin Kanye West, shkollën e tij dhe drejtorët e saj për diskriminim racor.
Mësuesit Cecilia Hailey dhe Chekarey Byers pretendojnë në dokumentet ligjore të siguruara nga Page Six se ata ishin diskriminuar në bazë të racës së tyre, u ishin mbajtur pagat në mënyrë të paligjshme dhe u pushuan në mars 2023 si hakmarrje për raportimin e shkeljeve të kodit.
Hailey dhe Byers thonë se ishin të vetmet mësuese femra me ngjyrë të punësuar nga Akademia Donda. Padia përmend gjithashtu drejtorët e shkollave Brianne Campbell, Allison Tidwell dhe Chris Julian. Hailey tregoi se ajo filloi të vërejë shkelje të shumta të shëndetit dhe sigurisë, si dhe praktika të paligjshme arsimore, por pretendon se asgjë nuk ishte bërë kur ajo ia çoi shqetësimet e saj drejtoreshës së shkollës, Moira Love. Dokumentet gjithashtu pretendojnë se studentët ushqeheshin vetëm një vakt në ditë, i cili ishte sushi, dhe u ndalohej të sillnin jashtë ushqim ose ndonjë gjë tjetër përveç ujit për të pirë.
Për më tepër, mësuesit pretendojnë se Kanye ndaloi “fjalëkryqet” dhe “fletët e ngjyrosura” dhe nuk do t’i lejonte fëmijët të dilnin jashtë gjatë ditës, madje edhe për drekë apo pushim. Akademia Donda, e cila u mbyll përkohësisht në vjeshtë në mes të komenteve antisemite të reperot, gjithashtu nuk kishte personelin e duhur mjekësor. Byers dhe Hailey janë duke paditur për të rikuperuar pagat e papaguara, humbjen e të ardhurave dhe përfitimet e tjera të punësimit. Ata gjithashtu shpresojnë të marrin shpërbim për shqetësimet emocionale dhe shpenzimet mjekësore.
